بدأت الأجازة الصيفية
وبدأ طلاب جامعات مصر يبحثون عن شاطىء يقضون فيه أياما وليالى لكى يزول عنهم ما عانوه فى فترة الامتحانات
عدا طلاب جامعة المنوفية
فلقد انتهى الطلاب من الامتحانات ليدخلوا فى دوامة الاستدعاءات الأمنية
وأصبحت مقرات أمن الدولة بالمنوفية مصيفا للطلاب
بعد أن قام أفراد من أمن الدولة بنزول بيوت الطلاب والتهديد لهم ولأهاليهم وبالطبع فى كتير فى الطلبة رجالة قوى فقام الكثير من الطلاب حسب ما وصلنا برفض الذهاب لمقرات أمن الدولة خاصة بعد أن حكى لهم من سبقوهم عن الألفاظ القذرة المستخدمة هناك وكذلك عن الترك بالساعات فى حجرة مظامة وأنت مغمض العينين وكذلك التأخير الطويل للطلاب وبصراحة برافوا على الطلبة اللى ما عبروهمش
لأن دى مهزلة لازم تنتهى
وكذلك بنقول لكل واحد جالو أو هيجيلوا إوعى تروح زى ما الشباب بيقول كبر دماغك هم مش لائيين لهم شغلانة
ويخسارة عليكى يابلدى بيتهان فيكى العالم ويكرم الجاهل
ويستدعى الظالم العادل
وياريت ياإخونا كل واحد عندو معلومات عن الموضوع يشاركنا بالمراسلة على الايمل moshhnsa@yahoo.com
يعنى انتى لو رحت أو عارف حد راح ياريت تساعدونا فى حملة
الحرية لطلاب المنوفية
1 comment:
أنا مش هلاقى تعليق على اللى بيحصل ده أحسن من إن دول عالم فاضية فعلاً ومش لاقيين حاجة يعملوها
وربنا يكون فى عوننا أجمعين .
قولوا آمين
Post a Comment