كان يوم صعب جدا ضاقت منه نفسى حسيت فيه بأحاسيس غريبة وكئيبة كل اللى مسيطر على فكرى ..
إمتى تبقى الساعة 4 العصر واسمع المراقب وهو بيقول
لموا الورق
وفى اللحظة دى هدَى المراقب ورقة الإجابة ومعاها ورقة الحياة الطلابية كلها وقد دونت فيها ذكريات كثيرة منها الجميل ومنها البئيس..
فيها الحب والعدل وفيها التعب والظلم يااااااااااااااااااااه الظلم بكيت منو كتير وكنت دايما اقول ياه ليه الظلم اللى بيحصل للواحد من أهل الظلم دول ايه تهمتى واقول فى نفسى مايشابه قولة مؤمن آل فرعون :
أتظلمون رجلا أن يقول ربى الله
والله كانت أيام فرح رغم دموع الظلم وأنس رغم وحدة المذاكرة والتفكير. بجد بجد بجد كانت والله أيام لاتنسى وإن شاء الله هيكون فى هنا ركن
مذكرات طالب إخوانى
تجمع من تلك الفترة الجميلة لحظات عشتها تارة بالفرح وتارة بالحزن , تارة بالظلم وردع الأمن وتارة بحنان الطلاب ورقة الإخوان صدقونى أوعدكم بإذن الله إنها تكون مواقف تعجبكم جدا جدا فيها ما يعرفه أصدقائى وكثير مما لايعرفه أحد منها ما هو الدعوى ومنها ما هو العاطفى ومنها ما الشخصى ومنها ما هو الدنيوى , ورغم ذلك تبقى أشياء بطبيعة الإنسان يخفيها لا يعلمها عنه إلا الله انتظرونى
ويارب زى ما وفقتنى فى امتحانات الدنيا وفقنى فى امتحانات الآخرة
